Һалым түләмәүселәр кәмегән

Һалым хеҙмәте етәксеһе президентҡа БРИКС һалым администрациялары селтәрен булдырыу тураһында еткерҙе. Д. Егоров әйтеүенсә, тейешле документтарға Мәскәүҙә БРИКС илдәренең һалым органдары вәкилдәре осрашыуында ҡул ҡуйылған.

-Әгәр Рәсәй компанияһы Ҡытайҙа, Һиндостанда, Көньяҡ Африка Республикаһында йәки башҡа ерҙә эшләй икән, ул үҙе был юрисдикциянан һорамаҫҡа, ә беҙҙән һорарға мөмкин», — тип аңлатты ул. Бынан тыш, Егоров Рәсәйҙә берҙәм һалым иҫәбен индереүҙең өҫтөнлөктәре тураһында һөйләне. Уның билдәләүенсә, ошоноң арҡаһында һалым түләмәү өсөн федераль һалым инспекцияһының суд дәғүәләре һаны бер йылда 3 миллионға  кәмегән.