Путин Рәсәйҙең генераль прокурорын яңынан тәғәйенләне

Рәсәй Президенты Владимир Путин Игорь Красновты илдең генераль прокуроры вазифаһына тәғәйенләне. 

Игорь Викторович Краснов 1975 йылда Архангельскиҙа тыуған. М. Ломоносов исемендәге Поморье дәүләт университетын тамамлаған.  1997 йылдан прокуратура органдарында эшләй. РФ Генераль прокуратураһының үҙәк аппаратында тәфтишсе, РФ Тәфтиш комитеты рәйесе ҡарамағындағы айырыуса мөһим эштәр буйынса өлкән тәфтишсе, РФ Тәфтиш комитеты рәйесе урынбаҫары булып эшләй. 2020 йылда Рәсәй Федерацияһы Президенты тәҡдиме буйынса Федерация Советы тарафынан РФ Генераль прокуроры вазифаһына раҫлана. Дәүләт наградалары, шул иҫәптән II дәрәжә Ватан алдындағы хеҙмәттәре өсөн миҙалы (2011 йыл), Рәсәй Федерацияһы Президентының Почет грамотаһы (2014 йыл) бар.