Президент Дәүләт Думаһы рәйесе менән осрашты

«2025 йылда парламенттың яҙғы сессияһында эшләгән өсөн Һеҙгә Һәм Дәүләт думаһы депутаттарына рәхмәт белдерәм», – тине Президент.

Яҙғы сессия 23 июлдә тамамланады, ул 9 ғинуарҙан алып дауам иткәйне. Володин хәбәр итеүенсә, был ваҡыт эсендә түбәнге палата 354 закон ҡабул иткән, шул иҫәптән президент мөрәжәғәтнамәһен тормошҡа ашырыу өсөн бөтә кәрәкле башланғыстарҙы хуплай. 15 документ махсус операцияла ҡатнашыусыларға һәм уларҙың ғаилә ағзаларына ярҙам итеү менән бәйле бул4ан. дәүләт Думаһының көҙгө сессияһы 2 сентябрҙә башлана һәм 2025 йылдың 30 декабренә тиклем дауам итәсәк. 2024 йылдың үткән көҙгө сессияһы йомғаҡтары буйынса 233 федераль закон хупланған. Былтыр бөтәһе 1086 башланғыс ҡаралған.

Дәүләт дДумаһы рәйесе Вячеслав Володин Влдаимир Путинға Дума эшенә иғтибар өсөн рәхмәт белдерҙе. Ул депутаттар саҡырыуҙар, санкциялар һәм янауҙар ваҡытында халыҡты борсоған мәсьәләләрҙе профессиональ хәл итергә тырыша, тип ышандырҙы. Уның баһалауынса, парламент 70 процентҡа тупланған.

Атап әйткәндә, депутаттарҙы МХО ҡатнашыусыларҙың һәм уларҙың ғаиләләренең проблемаларын хәл итеүгә бәйле мәсьәләләр берләштерә, был Дәүләт думаһы өсөн өҫтөнлөк булып тора. Йыл дауамында был тәңгәлдә 15  закон ҡабул ителгән, ә махсус хәрби операция башланғандан алып бөтәһе 139. Закон сығарыусылар, спикер аңлатыуынса, шарттар һәм ваҡыт талап иткән ҡарарҙарҙы ҡабул итергә тырыша.