В. Путинға башҡорт ҡурайы тураһында һөйләнеләр

Бөтә Рәсәй балалар фольклориадаһы ике йылға бер тапҡыр илдең милли традицияларын һаҡлаған бөтә төбәктәренән 1000-дән ашыу баланы йыя.

Шулай уҡ ул матди булмаған мираҫ реестрына 31 объект индерелеүе хаҡында һөйләне: был башҡорт музыка ҡоралы ҡурай, тываның хаамэй йырлауы, дағстандың уникаль келәм туҡыу оҫталығы, казак-некрасовсылар йырҙары, Алыҫ Көнсығышта йәшәгән аҙ һанлы негидаль халҡының ғәмәли ижады. Йыл аҙағына объекттар өс тапҡырға күберәк буласаҡ, һәм каталог Рәсәй халыҡтарының милли мәҙәниәттәренең бөтмәҫ-төкәнмәҫ байлыҡтары менән тулыланасаҡ. Рәсәйҙә 194 милләт йәшәй, һәм һәр береһе үҙенсәлекле халыҡ традицияларына эйә: тап уларҙа, ошо традицияларҙа, бөгөн кәрәкле рухи-әхлаҡи ҡиммәттәр ята, – тине Тамара Валентиновна. –– Һәм беҙ һаҡларға ғына түгел, ә, иң мөһиме, йәш быуынға тапшырырға тейешбеҙ, беҙҙең үҙенсәлекле, Рәсәй характерының төп сифаттарын тәрбиәләйбеҙ: гуманизм, изге күңеллелек һәм патриотизм. Беҙ быны эшләйәсәкбеҙ, Владимир Владимирович.