Путин Ленинград ҡамауын өҙөүгә 82 йыл тулыуға арналған сараларҙа ҡатнашты

Президент "Ватан-Әсә" монументына сәскәләр һалыу тантанаһында ҡатнашты. Шулай уҡ  блокадалы Ленинградта бала ғына көйө вафат булған ағаһының  ҡәберенә сәскәләр һалды.

Владимир Путиндың пальто яғаһына беркетелгән "Ленинград Еңеүе таҫмаһы" "Ленинградты обороналаған өсөн" миҙалының төҫтәрен ҡабатлай.  Ул ике төҫлө туҡыманан - Еңеүҙе символлаштырған зәйтүн төҫөндәге һәм тормошто символлаштырған йәшел туҡыманан тора.