Путин Рәсәй халыҡтарының берҙәмлеге йылына старт бирҙе

 Ил, уға төрлө этностар ҡушылғанда, "Рәсәйгә ингән халыҡтарға сикһеҙ хөрмәт, уларҙың мәҙәниәтенә һәм традицияларына, уларҙың рухи ҡиммәттәренә тулы хөрмәт" күрһәтте, тип белдерҙе Президент. "Тап шуның өсөн быуаттар дауамында ҡиммәттәребеҙ уртаҡ булып китте",-тип иҫәпләй ул.

"Быуаттар дауамында Рәсәй менән төрлө ваҡиғалар булып торҙо, - тип дауам итте Владимир Путин.  Әммә нәҡ ауыр ваҡытында тап Рәсәй Мәскәүҙе, тимәк, дөйөм Рәсәй дәүләтселеген яҡлап сыҡты. Минин һәм Пожарский ополчениеһы, Рәсәй лидеры билдәләүенсә төрлө халыҡтарҙың берҙәм дәүләте булараҡ, Рәсәйҙең символына әүерелде. Һуңыраҡ башҡа принциптар буйынса берләштерелгән Наполеон һәм Гитлер, төрлө ҡәбиләле армиялар  баҫып алған ваҡытта ла шул уҡ хәл булды, тип өҫтәне ул. “Уларҙы аҡса эшләү, беҙҙән нимәлер тартып алыу, яулап алыу, емереү, баҫып алыу теләге берләштерә. Ә беҙҙе дөйөм еребеҙҙе, ғаиләләребеҙҙе, мәҙәниәтебеҙҙе, традицияларыбыҙҙы һаҡлап ҡалыу ынтылышы берләштерҙе", - тип билдәләне Владимир Путин.

Уның фекеренсә, бөгөн дә шул уҡ хәл, "Махсус хәрби операция зонаһында Рәсәй яугирҙәре төрлө милләттән булыуҙарына, хатта дин айырмаһына ҡарамаҫтан, бер-береһенә "туған" тип мөрәжәғәт итә. Был беҙҙең еңелеүһеҙ берҙәмлегебеҙҙе билдәләй. Был төрлө өлкәләрҙәге ҡаҙаныштарыбыҙҙың һәм еңеүҙәребеҙҙең нигеҙендә ята", - тип белдерҙе РФ Президенты.

Дәүләт башлығы Рәсәй халыҡтары берҙәмлеге йылын асыҡ тип иғлан итте һәм тантанала ҡатнашыусыларҙың барыһын да ошо ваҡиға айҡанлы ҡотланы.