Владимир Путин балалар баҡсалары һәм яслилар эшен оҙайтырға ҡушты

Күпселек компанияларҙа һәм дәүләт учреждениеларында эш көнө 18-19 сәғәттәрҙә тамамланыу сәбәпле, балалар баҡсаларының эшен 20:00-гә тиклем оҙайтыу идеяһы тәҡдим ителде. Мәғариф министрлығынан хәбәр итеүҙәренсә, бөгөн һәр балалар баҡсаһында төркөмдәрҙең эш режимы ата-әсәләрҙең талаптарына ярашлы яраҡлаштырылыуы мөмкин. Әммә барлыҡ балаларҙың 92 проценты тиерлек тулы көн төркөмдәренә йөрөй, улар, ҡағиҙә булараҡ, иртәнге сәғәт 8-ҙән киске 7-гә тиклем эшләй. Шулай уҡ718  оҙайтылған көн (13-14 сәғәт) төркөмө һәм хатта тәүлек әйләнәһенә йәшәүсе 1131 төркөм эшләй. Улар Тула, Волгоград, Мәскәү һәм Кемерово өлкәләрендә, Мәскәүҙә, Санкт-Петербургта һәм башҡа төбәктәрҙә ыңғай эш һөҙөмтәһен күрһәтте.