В. Путин Рәсәй транспорт министры менән осрашты

Мәскәүҙең Ленинград вокзалы Мәскәү — Санкт-Петербург юғары тиҙлекле магистралендә файҙаланыласаҡ поездарҙы ҡабул итеүгә тулыһынса әҙер, тип һөйләне транспорт министры Андрей Никитин осрашыуҙа. Был бинаны яңыраҡ тамамланған реконструкциянан һуң мөмкин булды, тип аңлатты ул. Бынан тыш, вокзалдың көтөп тороу залдарында ултырыу урындары һаны өс тапҡырға арта. Иҫәпләүҙәр буйынса, 2030 йылға ике баш ҡала араһында пассажирҙар ағымы йылына яҡынса 23 миллион кеше тәшкил итәсәк.

Параллель рәүештә төбәктәрҙә авиация инфраструктураһын модернизациялау дауам итә. Төмәндең Рощино аэропортында үткәреү пунктын йыһазландырыу тамамланған. Ырымбурҙа яңы терминал асылыу арҡаһында авиагавандең үткәреү һәләте дүрт тапҡырға тиерлек арта, ә Братск аэропортын реконструкциялауҙы 2026 йылда тамамлау планлаштырыла. Быйыл йыл аҙағына тиклем Дәүләт Думаһына таксиҙа балалар тарифтарына нигеҙһеҙ өҫтәмәләр индереүҙе кире ҡаҡҡан закон проекты индереләсәк. Транспорт министрлығы «Яндекс" менән берлектә балалы пассажирҙарға юл йөрөү өсөн артыҡ түләргә тура килмәһен өсөн эксперимент үткәрә.