Путин эш төркөмө менән осраша

Ошо аҙнала Рәсәй Президентының Рәсәй Конституцияһына үҙгәрештәр буйынса тәҡдимдәр әҙерләгән эш төркөмө менән осрашыуы күҙаллана.

Сараның 13 февралдә булыуы мөмкин. Тиҙҙән Дәүләт Думаһы тарафынан Президент закон проектының икенсе уҡыуына төҙәтмәләрҙе ҡабул итеү тамамлана. Тап ошо осрашыуҙа Конституцияға төҙәтмәләрҙең аҙаҡҡы варианты менән таныштырыуҙары ихтимал.

Кремлдә лә осрашыуҙың булыуы тураһында белдерҙеләр, тик уның аныҡ датаһын әлегә әйтмәйҙәр. Шул уҡ ваҡытта эш төркөмө рәйестәше сенатор Андей Клишас билдәләүенсә, эш әлегә тамамланыуҙан йыраҡ.

“Төркөмгә февраль аҙағына тиклем эшен дауам итергә тура килер, тип уйлайым. Беҙ Президентҡа ла ошо мәсьәлә буйынса мөрәжәғәт итергә, Дәүләт Думаһының да пландарын белешергә тейешбеҙ”, – тине ул.

#ВладимирПутин
#национальныепроекты#нацпроекты
#региональныепроекты#регпроекты#нацпроектыБашкортостан