Йәштәр әүҙем

Быйыл Рәсәй президентын һайлауҙа тәүге тапҡыр Башҡортостанда 18 йәше тулған 90 мең самаһы кеше тауыш бирәсәк. Был турала «Рәсәй президентын Һайлау-2024» йәмәғәт матбуғат үҙәгендә  Башҡортостандың Үҙәк Һайлау комиссияһы рәйесе Азат Ғәлимханов иғлан итте.

Уның һүҙҙәренсә, тәүге тапҡыр һайлауға килеүселәргә тауыш биреүҙә ҡатнашыу өсөн исемле саҡырыуҙар ебәрелгән, шулай уҡ иҫтәлекле бүләктәр әҙерләнгән.

 Башҡортостандың үҙәк һайлау комиссияһы мәғлүмәттәре буйынса, һайлау участкаларының тәүге сәғәттәре штат режимында үткән. Гражданлыҡ бурысын үтәргә теләүселәрҙең әүҙем булыуы күҙәтелә.

"Беҙҙә булған мәғлүмәттәрҙән күренеүенсә, участкалар ваҡытында асылған, проблемалар юҡ, эш штат режимында бара. Бынан тыш, беҙ тауыш биреүҙең һәйбәт барыуы тураһында мәғлүмәт алабыҙ. Тауыш биреүҙең өс көнө лә тыныс үтер тип ышанам", - тип хәбәр итте Азат Ғәлимханов.