Лидерҙар билдәле

Никита Витюгов  менән Валентина Гунина алдынғылыҡты бирмәй.

Алда хәл иткес партиялар. Кем еңер?

Өфөлә  Суперфиналдың унынсы туры уҙҙы. Ир-егеттәр араһында асыҡ турнир лидеры Никита Витюгов Андрей Есипенкоға ҡаршы уйнаны. Ҡатмарлы партияла 41-се йөрөштән һуң дәғүәселәр ничьяға ризалашты.

Максим Матлаков аҡтар менән  Александра Горячкинаны еңде.

Александр Предке ҡаралар менән Павел Понкратовтан көслө булып сыҡты һәм 64-се йөрөштә еңеүгә өлгәште.

Ҡатын-ҡыҙҙар араһында лидерҙар Овод – Гунина партияһы ничья менән тамамланды.

Полина Шувалова аҡтар менән Анастасия Боднарукты еңде.

Ольга Гиря менән Алиса Ғәлләмова партияһында һуңғыһы көслөрәк булып сыҡты.