Витюгов менән Гунина -чемпиондар

Никита Витюгов менән Валентина Гунина -  Рәсәйҙең яңы чемпиондары

Өфөлә Рәсәйҙең шахмат буйынса чемпиондары билдәле булды. Һуңғы 11-се асыҡ турнирҙа  Владимир Федосеев менән Павел Понкратов араһындағы көсөргәнешле уйында, Понкратов еңде.  Чигаев - Алексеенко, Горячкина - Андрейкин, Предке - Мотылев, Рахманов - Витюгов  менән Есипенко – Матлаков партиялары ничья менән тамамланды. Шәп уйынсылар бер-береһенә алдынғылыҡ бирмәне.

Гроссмейстер Никита Витюгов 11-ҙән 7 очко йыйҙы һәм үҙенең карьераһында тәүгә  Рәсәй чемпионы булып танылды.

Көмөш  миҙал Максим Матлаковҡа эләкте, ул төп еңеүсенән ярты очкоға ғына ҡалышты.  6 очко йыйған Владимир Федосеев өсөнсө урын алды. Өс призер ҙа Санкт-Петербург ҡалаһынан.

Йомғаҡлау туры һөҙөмтәләре:

Никита Витюгов - 7 очко, 2. Максим Матлаков - 6,5, 3-4. Владимир Федосеев, Дмитрий Андрейкин - 6, 5-9. Александр Предке, Андрей Есипенко, Александр Мотылев, Павел Понкратов, Кирилл Алексеенко - 5,5, 10-11. Александра Горячкина, Александр Рахманов - 4,5, 12. Максим Чигаев - 4.

Ҡатын-ҡыҙҙар араһында  турҙың төп партияһы — Гунина – Шувалова араһында сәмле уйын барҙы. 11-ҙән 8 очко йыйып, бер партияла ла еңелмәй, Мәскәүҙән Валентина Гунина дүртенсе тапҡыр Рәсәй чемпионкаһы булды.

Евгения Овод икенсе урын яуланы.  Өсөнсө призер – Полина Шувалова. Ғәлләмова- Гусева, Погонина - Гарифуллина, Войт - Кашлинская менән Боднарук – Гиря партиялары ничья менән тамамланды.

Йомғаҡлау туры һөҙөмтәләре:

Валентина Гунина – 8 очко, 2-3. Евгения Овод, Полина Шувалова - 7,5, 4. Алина Кашлинская - 6,5, 5-6. Наталья Погонина, Лея Гарифуллина - 6, 7. Алиса Ғәлләмова - 5,5, 8. Ольга Гиря - 4,5, 9. Марина Гусева - 4, 10-12. Дарья Войт, Анастасия Боднарук, Алина Бивол - 3,5.