+14 °С
Дождь
Спорт
4 Января 2022, 03:00
«Салауат Юлаев» һәм «Металлург» капитандары Панин менән Яковлев Яҡтыкүл буйында балалар менән матч үткәрә
«Салауат Юлаев» хоккей командаһы капитаны Григорий Панин һәм «Металлург»тың капитаны Егор Яковлев Яҡтыкүлдә балалар ҡатнашлығында матч үткәрәсәктәрен белдерҙе.
«Быйыл КХЛ-дың Йондоҙҙар матчы үткәрелмәй. Әммә беҙ үҙебеҙҙең Йондоҙҙар матчын ойошторорға булдыҡ. Яҡтыкүлдә эргә-тирәләге райондарҙан балалар беҙҙең менән уйнай ала. Барыһын да ихлас көтәбеҙ. Һуңғараҡ социаль селтәрҙәрҙә ошо хаҡта яҙырбыҙ», - тигән Г. Панин. «Бындай мөмкинлектән файҙаланмау гонаһ. Матур урын. Бик яҡшы сара буласаҡ», - тип белдергән Е. Яковлев.
Белеүегеҙсә, Йондоҙҙар аҙналығы 2022 йылдың 8-16 ғинуарында Силәбелә үтергә тейеш ине. Континенталь хоккей лигаһы 2022 йылғы үтергә тейеш Йондоҙҙар матчын һәм Хоккей йондоҙҙары аҙналығын 2023 йылға күсерҙе.
«Салауат Юлаев» һәм «Металлург» капитандары Панин менән Яковлев Яҡтыкүл буйында балалар менән матч үткәрә
