Осрашыу ҙур дуҫлыҡҡа нигеҙ һалыр

#национальныепроекты#регпроекты#нацпроектыБашкортостан

Ярышҡа почетлы ҡунаҡ – легендар спортсы, грэпплинг һәм джиу-джитсу буйынса донъя чемпионы Джефф Монсон килде. Ул Башҡортостанда үҙ мәктәбен асҡан. Өфөлә һәм республиканың башҡа ҡалаларында балалар өсөн грэпплинг буйынса күнекмәләр, оҫталыҡ дәрестәре үткәрә.

“Беҙҙең район өсөн был турнирҙың үтеүе ҙур әһәмиәткә эйә. Грэпплинг, ММА, көрәштең башҡа төрҙәрен үҫтереү өҫтөндә әүҙем эшләйбеҙ. Джефф Монсон – чемпион ғына түгел, асыҡ, ихлас кеше, уның менән спортсыларыбыҙҙың осрашыуы ҙур дуҫлыҡҡа әйләнер, бөгөнгө осрашыу грэпплингтың үҫешеүенә йоғонто яһар,  тип ышанам”, – ти Туймазы районы хакимиәте башлығы Айҙар Суфиянов.

Туймазы районы хакимиәтенең мәғлүмәт-аналитика бүлеге хәбәр итеүенсә, турнир С.Н. Ғимаев исемендәге “Туймазы-Арена”ла “Демография” милли проектының “Спорт – тормош рәүеше” проекты сиктәрендә үткән.

Фото – Туймазы районы хакимиәтенең мәғлүмәт-аналитика бүлеге.