Владимир Путин Пекинда ҡышҡы Олимпия уйындары еңеүселәре һәм призерҙары, шулай уҡ Рәсәй паралимпия командаһы ағзалары менән осрашты. Президент Олимпиада еңеүселәренә һәм призерҙарына, Рәсәй паралимпия командаһы ағзаларына дәүләт наградалары тапшырҙы. Улар араһында Башҡортостандың спортсылары ла бар. Атап әйткәндә, Пекиндағы Олимпия уйындарының өс тапҡыр призеры Эдуард Латипов, Сочиҙа Олимпия уйындары чемпионы, Пхёнчханда һәм Пекинда ике тапҡыр Олимпия уйындары призеры Семен Елистратов, Сочиҙа Паралимпия уйындарының бронза призеры Александр Давидович.