Иң мауыҡтырғыс тамаша

"Ылаҡ" уйыны барҙа, футбол, хоккейың ары торһон, тип әйткәндәрен ишеткәнем бар. Айырмаһы шунда: туп урынына - кәзә кәүҙәһе, ә ҡапҡаларҙы ҙур тәгәрмәстәрҙән яһалған “ҡаҙан” алмаштыра. Бик мауыҡтырғыс тамаша, ысын ир-егеттәр алышы.

“Башҡорт аты” фестивалендә лә был спорт төрө бик күп тамашасыларҙы йыйҙы.

Ярышта Ауырғазы, Ғафури, Учалы, Баймаҡ, Әбйәлил райондары менән бер рәттән Ҡазағстан һәм Ҡырғыҙстан рсепубликалары спортсылары ла ҡатнашты.