Эквадор спортсылары Радий Хәбировҡа бүләк ебәргән

Йәйге Сурдлимпия уйындары 23 июлдән 2 авгусҡа тиклем үткәрелә. Һаңғырауҙар араһында спорттың 21 төрө - бадминтон, гандбол, баскетбол, еңел атлетика, өҫтәл теннисы, йөҙөү, маунтинбайк велосипед спорты, шоссе велосипеды спорты, атыу, спорт ориентирлауы, волейбол, каратэ, тхэквондо, футбол, ирекле көрәш, грек-рим көрәше, дзюдо, самбо, теннис, пляжлы волейбол, боулинг - буйынса үткәрелә.

Ярыштар 18 спорт ҡоролмаһында һәм объектында үткәрелә. Уйындарҙа 30 илдән, шул иҫәптән АҠШ-тан, Бразилиянан, Франциянан, Төркиәнән, Испаниянан, Израилдән, Кениянан, Филлиппиндан, Бахрейндан, Ирандан, Ираҡтан, Вьетнамдан һәм башҡаларҙан спортсылар ҡатнаша.

Эквадор командаһы  уйындарҙа ҡатнаша алмай , шулай ҙа ихтирам йөҙәнән һәм дуҫлыҡ билдәһе итеп Радий Хәбировҡа милли баш кейеме һәм милли муйынсаҡ ебәргәндәр һәм уйындарҙы ойоштороусыларға һәм сурдлимпия уйындарында ҡатнашыусыларға йылы хис-тойҡолар тулы мөрәжәҡәтнамә лә ебәргәндәр.