Путин «Беҙ бергә. Спорт» йәйге сурдлимпия уйындарында ҡатнашыусыларҙы ҡотланы

- Һаулыҡ буйынса мөмкинлектәре сикле кешеләр өсөн шарттар булдырыу - беҙҙең ил дөйөм милли өҫтөнлөктәрҙең береһе. Бында бөтә йүнәлештәр, шул иҫәптән спорт менән шөғөлләнеү мөмкинлеге мөһим. Һуңғы йылдарҙа илдең бөтә төбәктәрендә күнекмәләр үткәреү өсөн инфраструктура булдырыла һәм камиллаштырыла, төрлө ярыштар һәм турнирҙар ойошторола, улар араһында әлеге «Беҙ бергә. Спорт» спорт уйыны ҙур әһәмиәткә эйә, - тигән Владимир Путин.

Рәсәй Президенты ярышта ҡатнашыусылар үҙҙәренең оҫталығын, ныҡышмалығын һәм ихтыярын күрһәтер, ә уларҙың уңыштары һәм ҡаҙаныштары башҡаларға өлгө булыр, төрлө йәштәге кешеләргә үҙ көсөнә һәм мөмкинлектәренә ышанырға ярҙам итер, тигән ышаныс белдергән.

        - Әлбиттә, уларҙы юғарыға күтәргән, тормош тәжрибәһе менән уртаҡлашып, көс һынашырға һәм еңергә өйрәткән атлеттарҙың тренерҙарына һәм остаздарына айырым рәхмәт һүҙҙәре әйтәбеҙ, - тип ҡотлаған уйындарҙа ҡатнашыусыларҙы Владимир Путин.