Фехтование үҙәге буласаҡ

Фехтование үҙәге ҙур, алты мең квадрат метр тәшкил итә. Бында 28 юл, бер үк ваҡытта 56 спортсы сығыш яһай ала. Был заманса, технологик яҡтан бай объект.  

Фехтование үҙәгендә коляскала ултырған спортсылар ҙа үҙҙәрен уңайлы тойһон өсөн шарттар булдырылған.. 

“Олимпия чемпиондарыАделина Заһиҙуллина менән Тимур Сафинға, тренерҙарға ҙур рәхмәт, сөнки улар арҡаһында Башҡортостандың фехтование мәктәбе дан алды. 
Ошондай спорт һарайы төҙөүҙе бурысыбыҙ тип һананыҡ, - тип яҙып сыҡты социаль селтәрҙә Республика Башлығы Радий Хәбиров. –Эште туҡтатмау, балаларыбыҙға шөғөлләнеү өсөн Башҡортостанда мәҙәни, спорт объекттары төҙөүҙе дауам итеү мөһим”.

Объектта эштәр тамамланған тиерлек. Беренсе ярыштар бында 17 октябргә планлаштырылған.

Фехтование үҙәге “Демография” милли проектының “Спорт – йәшәү рәүеше” федераль проекты нигеҙендә төҙөлә.

ФОТО: dzen.ru