«Ауыл тренеры» проекты еңеүселәре бүләкләнде

Башҡортостан Башлығы Радий Хәбиров «Ауыл тренеры» программаһында ҡатнашҡан биш кешегә1 миллион һумлыҡ бер тапҡыр бирелә торған сертификаттар тапшырҙы. 

Дыуан районы балалар-үҫмерҙәр спорт мәктәбенең фигуралы шыуыу буйынса тренер-уҡытыусыһы Валерия Храмцова, Учалы районы балалар-үҫмерҙәр спорт мәктәбенең еңел атлетика буйынса тренер-уҡытыусыһы Максим Тимофеев, Яңауыл районы «Йәшлек» спорт мәктәбенең спорт көрәше буйынса тренер-уҡытыусыһы Илназ Ханов, Туймазы районы 2-се спорт мәктәбенең футбол буйынса тренер-уҡытыусыһы Рәмил Низаметдинов, Ишембай районы 3-сө спорт мәктәбенең волейбол буйынса тренер-уҡытыусыһы Николай Жуков бүләкләнде.

«Беҙ ауыл тренерҙарына күрһәтелгән ярҙам өсөн рәхмәт белдерергә теләйбеҙ. Был награда балалар-үҫмерҙәр спортын үҫтереүгә, йәш спортсылар тәрбиәләүгә тос өлөш индереү ул. Яңынан-яңы еңеүҙәр яуларбыҙ», – тине Ишембай районы тренеры Николай Жуков.

Хәтерегеҙгә төшөрәбеҙ, Башҡортостанда «Ауыл тренеры» программаһы буйынса түләүҙәр 600 мең һумдан 1 миллион һумға тиклем артты. Шулай уҡ белгестәр 2024 йылда башланған «Ҡала тренеры» программаһында ҡатнаша ала.

https://www.bashinform.ru/news/sport/2025-12-01/glava-bashkirii-nagradil-uchastnikov-proekta-selskiy-trener-4488230