Өфө Рәсәй халыҡтары спартакиадаһының көрәш турниры үтәсәк

Өфөнөң Көрәш һарайы Рәсәй халыҡтары спартакиадаһының спорт көрәше буйынса ярыштары өсөн төп майҙансыҡҡа әүерелә. Республика хөкүмәте вице-премьеры – спорт министры Руслан Хәбибов хәбәр итеүенсә, турнир 7-12 сентябрҙә ойошторола.

Көрәш һарайы – майҙаны 28 000 квадрат метрлыҡ донъя кимәлендәге объект. Ул 2024 йылда Өфөнөң 450 йыллығы айҡанлы асылды. Комплекс халыҡ-ара стандарттарҙы иҫәпкә алып төҙөлгән һәм төрлө кимәлдәге турнирҙар үткәреү өсөн лицензия алған.

Өфөлә бюындай ҙур спорт сараһы «Демография» милли проекты составына ингән «Спорт – тормош нормаһы» федераль проекты сиктәрендә ойошторола.

ФОТО: "Башинформ".