Төҙөлөш дауам итә

Өфөлә Ағиҙел йылғаһы аша күпер төҙөлөшө әүҙем дауам итә. Уны төҙөүселәр 2021 йыл аҙағына файҙаланыуға тапшырырға иҫәп тоталар. Был күпер сафҡа инһә, башҡалаға көньяҡтан инеү һәм унан сығыу юлында көсөргәнешлекте кәметеүгә булышлыҡ итәсәк. Әле ғәмәлдә Ырымбур шоссеһына һәм федераль әһәмиәттәге М-5 Урал трассаһына сығыуҙы тәьмин иткән күперҙән машиналарҙан ҙур сират хасил була. Йәғни тәүлеккә был күперҙән 125 меңдән ашыу автомобиль үтә.