+18 °С
Дождь
Төҙөкләндереү
29 Мая 2021, 03:30
Шүлгәнташҡа асфальт юл түшәлә
Быйыл Бөрйән районында урынлашҡан Шүлгәнташ мәмерйәһенә илткән юлға асфальт түшәлеп бөтөргә тейеш. 5,2 километрлыҡ Иҫке Собханғол – Мораҡ юлы төбәк һәм муниципаль-ара юлдарҙы капиталь ремонтлау программаһына индерелгән.#национальныепроекты#регпроекты#нацпроектыБашкортостан
Быйыл Бөрйән районында урынлашҡан Шүлгәнташ мәмерйәһенә илткән юлға асфальт түшәлеп бөтөргә тейеш. 5,2 километрлыҡ Иҫке Собханғол – Мораҡ юлы төбәк һәм муниципаль-ара юлдарҙы капиталь ремонтлау программаһына индерелгән.
Был хаҡта транспорт һәм юл хужалығы министры вазифаһын башҡарыусы Виктор Жульков хәбәр итте. Бында 2018 йылда күпере менән 7,4 километр арауыҡ ремонтланһа, былтыр – 11 километрлыҡ участка.
Шулай уҡ күптән көтөлгән Иглин – Кальтовка юлының 7,5 километр арауығы төҙөкләндерелергә тейеш (проект хаҡы 220 миллион һум). Эре төбәк проекты – 61 саҡрымлыҡ Бөрө – Таҙтүбә – Һатҡы юлын төҙөкләндереү дауам итә. "Федераль ярҙам арҡаһында ул 2022 йылда сафҡа инәсәк", – тине ведомство етәксеһе (объекттың хаҡы – 2,8 миллиард һум, шуның 2,5 миллиарды – федераль аҡса).
Дөйөм алғанда, төбәк һәм муниципаль-ара юлдарҙы яңыртыуға республика – 5,76 миллиард, федераль ҡаҙна 1,55 миллиард һум бүлгән. Был эштәр Рәсәй Президенты Владимир Путиндың май указы нигеҙендә барлыҡҡа килгән "Хәүефһеҙ һәм сифатлы автомобиль юлдары" милли проекты маҡсаттарына һәм бурыстарына тулыһынса яуап бирә.
https://bash.rbsmi.ru
