“Заманса ҡала мөхите булдырыу” проекты старт ала

9 августан республикала 2022 йылда “Торлаҡ һәм ҡала мөхите” милли проект составына ингән “Заманса ҡала мөхите булдырыу ” төбәк проектында ҡатнашыуға заявкалар ҡабул ителә башлай.

Проектта составында 1000-дән артыҡ кеше йәшәгән ауылдары булған муниципаль берәмектәр ҡатнаша ала. Конкурста ҡатнашыу өсөн  Башҡортостан Торлаҡ-коммуналь хужалығы министрлығына субсидия алыуға планлаштырылған күләмде күрһәтеп заявка бирелә, унда йәмәғәт биләмәһен төҙөкләндереү проектын, тәҡдим ителеүсе объект буйынса йәмәғәт тикшереүҙәре һәм тауыш биреү һөҙөмтәләрен, 2022 йылда төҙөкләндерергә тейешле биләмәләр исемлеген күрһәтеп, “Заманса ҡала мөхите булдырыу”ҙың муниципаль программаһының күсермәһен тапшырырға кәрәк.

Заявкалар 9  августан 13 авгусҡа тикем түбәндәге адрес буйынса ҡабул ителә: Өфө, Ст. Халтурин урамы, 28, 511-се бүлмә.