“Маҡсатыбыҙ – юлдарҙы һаҡлау”

#национальныепроекты#регпроекты#нацпроектыБашкортостан

Башҡортостан юлдарында 10 ауырлыҡ үлсәүҙе күҙәтеү автоматик пункты даими эксплуатация режимына күсерелә.

БР Транспорт һәм юл хужалығы министрлығының матбуғат хеҙмәте хәбәр итеүенсә, быйыл Башҡортостанда “Хәүефһеҙ сифатлы юлдар” милли проекты буйынса 13 ауырлыҡ үлсәүҙе күҙәтеү автоматик пункты ҡуйылған.

Бындай комплекстарҙың төп бурысы – автомобиль юлдарының торошон  һаҡлау, хәүефһеҙлек кимәлен күтәреү, юл-транспорт фажиғәләре һанын кәметеү, автомобиль юлдарын эксплуатациялау һәм тотоуға сығымдарҙы ҡыҫҡартыу.

– Маҡсатыбыҙ – юлдарҙы һаҡлау, водителдәргә штраф һалыу түгел. Юл полотноһын һаҡлау тураһында уларҙы тотоусылар һәм ремонтлаусылар ғына түгел, файҙаланыусылар ҙа хәстәрләһен ине, – ти Башҡортостандың транспорт һәм юл хужалығы министры Александр Булушев.

Фото – БР Транспорт һәм юл хужалығы министрлығының матбуғат хеҙмәте.

https://bashkizi.ru/news/milli-proekttar/2022-03-04/ma-satyby-yuldar-y-a-lau-2714276