Шуның 1,4 миллиард һумы федераль аҡса, ә ҡалған 860 миллион һумы республика бюджетынан бүленә. Ағымдағы йылда «Башҡортостандың ауыл биләмәләрен үҫтереү» дәүләт программаһы сиктәрендә ауыл ерендә 68 объект төҙөлә, 40 дөйөм йәмәғәт урыны төҙөкләндерелә. Әйткәндәй, уҙған йылда республикала был программаға бөтәһе 1,66 миллиард һум аҡса бүленгән, шуның 1,2 миллиард һумы федераль ҡаҙнанан. Был аҡсаның 700 миллион һумдан ашыуы ауылдарҙы төҙөкләндереүгә, 200 миллион һумы торлаҡ төҙөлөшөнә, 60 миллион һумы ауылдарҙа газ үткәргестәр һалыуға йүнәлтелгән. Һуңғы ике йылда был программа буйынса 433 ғаилә торлаҡ алыуға субсидия, 100 ғаиләгә йорт төҙөүгә аҡса бүленгән. Программаға ярашлы 90 ауылдың дөйөм йәмәғәт урындары төҙөкләндерелгән, 14 километрҙа яңы юл һалынған, 33 километр һыу үткәргестәр һәм 18 километр оҙонлоғонда газ үткәргес торбалар һалынған. Беҙҙең республикала халыҡтың 40 проценты ауыл ерендә йәшәүен иҫәпкә алып, төбәк был программала ҡатнашыуын дауам итәсәк, тип белдерә республика Хөкүмәте вәкилдәре. Республиканың «Башҡортостанда ауыл биләмәләрен комплекслы үҫтереү программаһы » 2020 йылдан эшләй башланы. Ул 2025 йылға тиклем иҫәпләнгән.