Юғары уҡыу йорттары студенттары кампусын төҙөү дауам итә

Хөкүмәт Рәйесе ведомство етәкселәре, ректорҙар һәм ҡыҙыҡһынған ойошмалар вәкилдәре менән бергә Рәсәй Фән һәм юғары белем биреү министрлығы раҫлаған проектты тормошҡа ашырыуҙың юл картаһын тикшерҙе.

       - Юл картаһы буйынса бөтәһе 34 контроль нөктә теркәлгән, уларҙың 24-е үтәлгән, был 70% тәшкил итә. «Башҡортостан Республикаһында мәғарифты үҫтереү» дәүләт программаһына үҙгәрештәр индерергә кәрәк, - тине Андрей Назаров.

Премьер-министр билдәләүенсә, йәштәр бизнес-акселераторҙарын, коворкинг-зоналы мультимедиялы конференция залын йыһазландырыу өсөн ҡорамалдар һатып алыуға контракттар төҙөргә һәм проектты тормошҡа ашырыуҙан социаль-иҡтисади һөҙөмтәләрҙең план күрһәткестәрен билдәләргә кәрәк. Күсмә кәңәшмәлә ҡатнашыусылар төҙөлөш эштәрен ҡарай.

    - Бөгөнгө көндә махсус иретмә баҫымы аҫтында грунтты тултырыу буйынса эштәр алып барыла. Колонналар бинаның бөтә ҡаттарында ла көсәйтелә. 5-14 ҡатта елләтеү, төтөн сығарыу һәм электр менән тәьмин итеү ҡоролмалары буйынса эштәр алып барыла. Беҙҙең бурыс - эштәрҙе ваҡытында тамамлау өсөн барыһын да эшләү. Шуға күрә кәңәшмәлә ҡатнашыусыларҙың барыһы ла тиҙ арала башҡарылған эш тураһында отчет бирергә тейеш, - тип һыҙыҡ өҫтөнә алды министрҙар кабинеты етәксеһе.