+27 °С
Ямғыр
Антитеррор
Бөтә яңылыҡтар
Төрлөһөнән
2 Март 2018, 11:59

100-сө бәпес тыуҙы

Әүмеш ҡыҙы Альбина менән Ҡырмыҫҡалы егете Салауат ғаилә ҡороп, Әбйәлилдә төпләнәләр. Салауат Магнитогорск ҡалаһына йөрөп эшләй, Альбина «Яҡты-Күл» шифаханаһы хеҙмәткәре.

Әүмеш ҡыҙы Альбина менән Ҡырмыҫҡалы егете Салауат ғаилә ҡороп, Әбйәлилдә төпләнәләр. Салауат Магнитогорск ҡалаһына йөрөп эшләй, Альбина «Яҡты-Күл» шифаханаһы хеҙмәткәре.

Бөгөн уларҙың ғаиләһендә оло шатлыҡ — донъяға ҡыҙҙары тыуҙы. Өс йәшлек Аринаның хәҙер Элина исемле һеңлеһе бар.

Элина Йосопова район ЗАГС бүлегендә быйыл тыуған 100-сө бала булып теркәлде. Ошо айҡанлы бүлек белгесе Нияз Юлдашбаев йәш ғаиләгә баланың тыуыуы тураһында таныҡлыҡ менән бергә иҫтәлекле бүләк тә тапшырҙы.

Шулай уҡ ике балаға атай-әсәй булған Йосоповтар ғаиләһе әсәлек капиталына хоҡуҡ алды.

— Хөкүмәт биргән был ярҙамды төҙөй башлаған йортобоҙҙо бөтөрөп инеүгә тотонорға иҫәп, — ти бәхетле ата-әсә.
Читайте нас: