Күмәкләп ағас ултыртайыҡ!

Был турала республика Хөкүмәтендәге оператив кәңәшмәлә БР торлаҡ-коммуналь хужалыҡ министры Б. Беляев белдерҙе.

Акция сиктәрәндә был көндә 670 биләмәлә 85 мең төп ағас, 48 мең төп ҡыуаҡ һәм башҡа төрлө йәшел үҫентеләр ултыртыу күҙаллана. Әгәр төбәктә эпидемиологик хәл ыңғайланһа, акцияға 150 меңдән ашыу кешене йәлеп итеү көтөлә. Ваҡиғалар, киреһенсә,насар яҡҡа үҙгәрһә, ағас үҫентеләрен ултыртыу коммуналь хеҙмәттәр һәм ирекмәндәр көсө менән башҡарыласаҡ.

Төбәк Башлығы Радий Хәбиров Таҙалыҡ көндәре ойоштороуҙы ваҡытлыса туҡтатып торорға ҡушты. Был осорҙа биләмәләрҙе таҙартыу һәм төҙөкләндереү коммуналь хеҙмәттәр эшселәре иңенә ятасаҡ.