Бөтә яңылыҡтар
Төрлөһөнән
19 Ноябрь 2020, 18:00

Башҡортостан символы — Салауат Юлаев һәйкәле реконструкцияға ябыла

Монументты капиталь реконструкциялау проекты быйылғы йыл аҙағына әҙер буласаҡ, тип хәбәр итә Өфө ҡала мэрияһы.

1967 йылдың 17 ноябрендә Ағиҙел йылғаһы ярында милли геройыбыҙға ҡуйылған һәйкәл, йылдар үтеү менән һауа шарттары арҡаһында байтаҡ ҡына үҙгәреш кисергән. Шуға күрә, каркасты тоташтырыусы элементтарҙы нығытыу, скульптураны коррозияға ҡаршы материалдар менән эшкәртеү кеүек эштәр планлаштырыла. Әйткәндәй, быйыл Өфө мэрияһы һәйкәлде тейешле рәүештә тәрбиәләп тотмауы өсөн 200 һумлыҡ штраф та түләргә мәжбүр булған.
Башҡорт батыры Салауат Юлаев монументы бронзаланған сөгөндән ҡойолған һәм 40 тонналыҡ ауырлыҡ өс нөктәгә ҡуйылыуы менән уникаль һанала. Уның бейеклеге 9,8 метр тәшкил итә.
Читайте нас в