Йыһанға осоу тураһында ниҙәр беләһегеҙ?

60 йыл элек Советтар Союзы бөтә донъяны шаулата — йыһанға кеше осора һәм ул, тәүге космонавт Юрий Гагарин Ер шарын бер тапҡыр урап осоп үтеп, имен-һау әйләнеп ҡайта. Ул осорҙа космонавт булырға хыялланмаған, йыһан, астрономия менән ҡыҙыҡһынмаған балалар һирәк булғандыр. Ә шулай ҙа космонавтика тураһында яҡшы беләһегеҙме икән? Һеҙҙең иғтибарығыҙға викторина тәҡдим итәбеҙ. Үҙегеҙҙе тикшереп ҡарағыҙ.

1. Юрий Гагарин тәүге осош яһаған йыһан карабы нисек аталған?

1) «Восток-1»; 2) «Союз-1»; 3) «Буран».

2. Осош мәлендә тәүге космонавҡа ниндәй «позывной» бирелгән?

1) «Бук»; 2) «Клен»; 3) «Кедр».

3. Тәүге космонавт булараҡ дан ҡаҙанғанға тиклем Юрий Гагарин ниндәй хәрби званиела була?

1) Лейтенант; 2) Өлкән лейтенант; 3) Капитан.

4. Донъялағы иң ҙур космодромдың исеме?

1) Плесецк; 2) Байконур; 3) Канаверал.

5. Йыһанға тәүге тапҡыр осҡанда космонавт Герман Титовҡа нисә йәш була?

1) 21; 2) 22; 3) 25; 4) 26.

6. Советтар Союзында һәм Рәсәйҙә нисә ҡатын-ҡыҙ космонавт бар?

1) 4; 2) 12; 3) 15; 4) 23.

7. Ер шарының юлдашы — Ай өҫтөнә төшкән тәүге совет планета-ара станцияһы нисек атала?

1) «Луна-2»; 2) «Спутник-2»; 3) «Пионер-1».

8. «Мир» орбиталь станцияһы нисәнсе йылда эшләй башлай?

1) 1972; 2) 1980; 3) 1986.

9. Алексей Леонов һәм Павел Беляев идара иткән аппарат илдең ҡайһы төбәгендә ергә төшә?

1) Пермь; 2) Төмән; 3) Ульяновск.

10. Белка һәм Стрелка тураһында барығыҙ ҙа беләһегеҙ, ә ниндәй йәнлек бер ҡасан да йыһанға осмаған?

1) Бесәй; 2) Ҡуян; 3) Гөбөргәйел.