Эҫе ял көндәре көтә

Республикала алдағы ял көндәре эҫе була, тип хәбәр итте синоптиктар.

Башгидромет мәғлүмәттәре буйынса, бөгөн көндөҙ урыны менән ҡыҫҡа ваҡытлы ямғыр яуыуы, йәшен йәшнәүе ихтимал. Ел төньяҡ-көнбайыштан талғын, йәшен ваҡытында көсәйеүсән. Һауа температураһы +25, +30 градус.

Шәмбе, 5 августа, яуым-төшөмһөҙ. Республиканың төньяҡ-көнсығыш райондарында бер аҙ ямғыр яуыуы көтөлә. Ел төньяҡтан талғын, көндөҙ көсәйеүсән. Һауа температураһы төндә +12, +17, көндөҙ +25, +30 градус.

Йәкшәмбе, 6 августа, йәнә яуым-төшөмһөҙ. Республиканың төньяҡ-көнсығыш райондарында бер аҙ ямғыр яуыуы көтөлә. Ел төньяҡтан талғын, көндөҙ көсәйеүсән. Һауа температураһы төндә +12, +17, көндөҙ +25, +30 градус.

«Башинформ» хәбәр итеүенсә, Рәсәй Гидрометеорология үҙәге мәғлүмәттәренә ярашлы, Башҡортостанда августың йылы булыуы көтөлә. Уртаса айлыҡ температураның норманан 1 градусҡа юғары булыуы фаразлана (норма +17,2 градус).

Айлыҡ яуым-төшөм иһә норманан түбәнерәк булыр тип күҙаллана (норма 45-65 миллиметр).

https://bash.bashinform.ru/news/social/2023-08-04/respublikala-y-sh-sel-r-e-e-e-yal-k-nd-re-k-t-3372290