Мәҡәлә
Республика ҡалалары йәшәү өсөн уңайлыЯңы стоматология ҡорамалы ҡуйылдыБеҙҙең районға «Сәләмәтлек поезы» киләКак не стать жертвой мошенника?Хәрби әҙерлектең төп күнекмәләреЯңы ҡорамалдар - халыҡ һаулығы өсөнМиллионлы ҡалалар араһында 5-се урындаТаулы Алтайға Өфөнән осорға мөмкин Миграция өлкәһендә дәүләт идаралығы камиллаштырыласаҡВсероссийская онлайн-акция «Марафон доверия. 2025»Путин кәңәшмә уҙғарҙыУрта һөнәри белем биреүгә иғтибар артаАпрель айынан икенсел торлаҡты «Ғаилә ипотекаһы» на алырға мөмкинМХО-ла яраланған яугирҙең туғандары өҫтәмә отпуск алырға хоҡуҡлыРәсәйҙә 1 апрелдән хәрби хеҙмәткә яҙғы саҡырылыш башланаПроектҡа ҡушылыусылар артҡандан-арта 280 километр юл селтәре ремонтланаҒаилә беренсе урында В Межвузовском кампусе предприниматели освоили навыки грантового проектированияҠурай байрамы
Бөтә яңылыҡтар
10
Төрлөһөнән
28 Июнь 2024, 14:35

Лейтенант яҡташыбыҙ

Бейәҡаҙа тауының ышығында, Иҙәш йылғаһына наҙланып ҡына ятҡан Иҙәш Ҡусҡарында тыуып үҫкән батыр егет тураһында бөгөнгө һүҙебеҙ.

Дим Ихсанов тыуған ауылында башланғыс мәктәпте, Тал Ҡусҡарында ете класты тамамлап, унан һуң Асҡар урта мәктәбендә уҡыуын дауам итә. Бәләкәй ауылдан килгән шаян, йор һүҙле малай Асҡар мәктәбендә класташтары менән тиҙ уртаҡ тел таба. Туғы-ҙынсы класты уңышлы тамамлағас, Дим Мәләүез кадет корпусына уҡырға инә. 
Бала саҡтан баҫалҡы, үтә тыныс холоҡло малайҙың хәрби юлға баҫыуына туғандары аптырап ҡала, ышанып та етмәй. Ләкин, Дим маҡсатынан кире ҡайтмай, хәрби булыу тураһындағы хыялына тырышып, үҙ көсө менән өлгәшә. 2023 йылда Новосибирск юғары хәрби команда училищеһына уҡырға инә. Каникулдарға ҡайтҡан курсанттың холҡо ҡырҡа үҙгәргәнен күреп, туғандары һоҡлана.  Егет иртә менән тороп, хәрбиҙәрсә күнекмәләр яһай, гер күтәрә, оҙон арауыҡҡа йүгерә. Бер туҡтауһыҙ хәрәкәттә була.
2023 йылда юғары хәрби белем алған белгесте, бойороҡ буйынса, Благовещенск ҡалаһына хәрби хеҙмәткә ебәрәләр. Күп тә үтмәй, Дим Шамил улы Украина биләмәһендә барған махсус хәрби операцияла ҡатнашыуға теләк белдерә. Дүрт ай Ростовтағы Дон ҡалаһында хәрби дислокациянан һуң, махсус хәрби операциялағы алғы һыҙыҡҡа ебәрелә. 
Разведвзвод командиры, лейтенант Дим Ихсанов үҙенең взводына дрон һатып алыуҙы ойоштора, уға туғандары, атаһының коллегалары, ауылдаштары дәррәү аҡсалата ярҙам итәләр. Ҡыҫҡа ялға ҡайтҡан ваҡытында Дим Шамил улы Ҡырҙастан Ғәлиә һәм Байрам Лоҡмановтарҙың ҡыҙы Зарина менән ғаилә ҡорҙолар. Йәштәргә парлы, бәхетле ғүмер теләйбеҙ.
Ялға тыуған яҡтарға ҡайтҡан һайын, Дим уҡытыусыларын һәм класс етәк-сеһе Лира Сәлимйән ҡыҙы Абдрах-манованы күрергә ашыға. Иғтибарлы, тәртипле хәрби егеттең малай сағын уҡытыусылары тик яҡшы яҡтан хәтерендә ҡалдырғандар. 
Хәрби хеҙмәтте үҙ иткән батыр  улы менән атаһы Шамил Рәис улы, Ғәлиә апайы, өләсәһе Фәрхизә, туғандары, кәләше ғорурлана. 
Әле Димдең атаһы — Шамил Рәис улы ла контракт буйынса ил һағына баҫты. Батыр яҡташтарыбыҙға аҡ юлдар теләп, иҫән-һау еңеү менән тыуған яҡтарға әйләнеп ҡайтыуҙарын көтәбеҙ.
Гөлнара ШАКИРОВА.

Читайте нас: