Бер атыуҙа ике ҡуян

Тауыш биреүселәр араһында уҙғарылған отошта 23 приз уйнатылды.

«Тони» автозаправкалау станцияһы уйынға ҡуйған АИ-92 маркалы 20 литр бензинға талондарҙың бәхетле эйәләре булып Раил Ишбулатов, Гөлиә Сәфәрғәлина, Регина Искәнйәрова, Гөлсәсәк Өмөтҡужина, Денис Шаһбалов, Венера Баймырҙина, Сабир Ғилманов, Ишбулат Ирназаров, Һылыу Мөхәмәҙина, Луиза Минһажева, Рәйсә Шәрипова, Салауат Шәйхин, Гөлсөм Фәйзуллина, Земфира Әминева, Азамат Носратов, Фәнил Байтүрин, Әнзилә Лисанова, Нәйлә Шаһимова, Айгөл Баязитова, Айрат Абдрахманов табылды. АЗС-тың директоры Наталья Пак еңеүселәрҙе ҡотлап, әбйәлилдәрҙең һайлауҙа әүҙем ҡатнашыуы, сәйәси кампанияға битараф ҡалмауы өсөн һөйөнөс белдерҙе.

Башҡорт ҡатын-ҡыҙҙары йәмғиәтенең бүләктәрен тапшырырға ойошма рәйесе Г. Ғ. Ҡолһарина килеп етте.

- Ватаныбыҙҙа бөгөн Берҙәм һайлау көнө. Һайлауҙар беҙҙә элек-электән байрам төҫөн алған. Байрам уңайынан йәмғиәтебеҙ әҙерләгән бүләктәр тормош-көнкүрешегеҙҙә кәрәкле әйберҙәр булыр, тип ышанам, - тине Гөлнур Ғәлинур ҡыҙы.

Лототронды әйләндергән Артур атлы егеттең еңел ҡулы менән «BOSCH» аш-һыу комбайны Зәйтүнә Тайсинаға эләкте. Автомат кер йыуыу машинаһы Әлфиә Уразаева өлөшөнә төштө. Ә төп приз – һыуытҡысты Йәмиға Сәйтғәлина отто.