Дәүләт ауылында һайлауҙар бик күңелле үтә

Дәүләт ауылында һайлауҙар бик күңелле үтә. Сәғәт 11-гә бөтәһе 185 кеше һайлауға килгән. Мәктәп алдында халыҡ өсөн йәрминкә һәм концерт әҙерләнгән. “Серҙәштәр” фольклор ансамбле, “Умырзая” халыҡ ансамбле һәм уҡыусыларҙың “Дуҫлыҡ” бейеү ансамбле халыҡ алдында матур итеп сығыш яһаны, отҡорҙар һәм зирәктәр өсөн викторина үткәрелде. Иң беренсе һайлаусылар булып Фәттәхов Ишдәүләт менән Фәттәхова Фәрүәз билдәләнде, уларға бүләктәр тапшырылды. Балалар өсөн батутта һикереү, шәкәрле мамыҡ ашау мөмкинселеге лә булды.