Транспорттары тартып алынасаҡ

Башҡортостанда легаль булмаған пассажирҙар ташыу менән шөғөлләнеүселәрҙең транспорт сараларын тартып ала башлаясаҡтар. БР транспорт буйынса дәүләт комитеты етәксеһе Тимур Мөхәмәтдинов белдереүенсә, республикалағы һәр район, киләһе йылдың 30 ғинуарына тиклем, үҙ биләмәһендә пассажирҙар ташыу менән легаль булмаған шөғөлләнеүселәрҙең транспорт сараларын бикләү майҙансыҡтарын әҙерләргә тейеш тине. Шулай итеп, юл-транспорт ведомствоһы етәксеһе Башҡортостан Башлығы Радий Хабиров ҡушҡан күрһәтмәне үтәргә тотондо. Сөнки был аҙнала ил һәм республика буйынса күп кешеләр ҡорбан булған автомобиль һәләкәттәре йыш теркәлде. Уларҙа әҙерлекһеҙ, пассажир ташыуға лицензияһы булмауы, траспорт сараларының төҙәк булмауы асыҡланды.