+16 °С
Болотло
Антитеррор
Бөтә яңылыҡтар
Йәмғиәт
10 Ғинуар 2020, 10:40

Күп балалы ғаиләләргә – 600 мең һум ярҙам бирелә

Башҡортостанда ҡабул ителгән яңы законға ярашлы күп балалы ғаиләләргә матди ярҙам түләүгә үҙгәрештәр индерелде.

1 ғинуарҙан күп бала тәрбиәләгән ғаиләләр 600 мең һум күләмендә бер тапҡыр бирелә торған матди ярҙам аласаҡ. Был “Демография” милли проектына ярашлы бойомға ашырыла.
- Элек бындай ярҙам 18 йәшкә тиклемге һигеҙ (2019 йылдың октябренә тиклем хатта 9 ине) һәм унан да күберәк бала тәрбиәләгән ғаиләләргә бирелһә, хәҙер бындай ярҙамға 23 йәшкә тиклемге һигеҙ һәм унан да күберәк балалары булған ғаиләләр иҫәп тота ала. Йәғни ошондай финанс ярҙам алыусылар һиҙелерелек артасаҡ ,- тип аңлатма бирә яңы закон буйынса Башҡортостан Дәүләт Йыйылышы-Ҡоролтай рәйесе Константин Толкачев. Парламент етәксеһе билдәләүенсә, 18 йәше тулған балалар уҡыуҙарын колледж-институттарҙа дауам итә, йәғни ата-әсә ҡарауында була. Һөнәр алғас ҡына үҙҙәрен-үҙҙәре тәьмин итә. Был 18 түгел, ғәҙәттә 23 йәш тулыуға мөмкин була. Ошоға ярашлы, 18-23 йәшлек ул-ҡыҙҙары булғандар ҙа дәүләттән ярҙам алыуға хоҡуҡлы.
Был республикалағы демографик хәлде яҡшыртыуға ла булышлыҡ итәсәк тигән фекерҙә К. Толкачев.
Читайте нас: