Илдең киләсәге халыҡ һанына бәйле

Президент күтәргән төп тема халыҡтың килемен арттырыу һәм ярлылыҡты еңеү тип билдәләнде. «Рәсәйҙең киләсәге һәм уның тарихи перспективаһы беҙҙең күпме булыуыбыҙға бәйле, әле илдә 147 миллион кеше иҫәпләнә», — тип, Президент демографик мәсьәләгә туҡталды. Демографик үҫеш тотороҡло булһын өсөн кешенең алдағы көнгә ышанысы булыуы шарт. Ә быны тик лайыҡлы эш хаҡы, иркен торлаҡ, юғары пенсия, һөнәрҙең хеҙмәт баҙарында һорау менән файҙаланыуы, балалар баҡсалары, заманса мәктәптәр тәьмин итә ала.