+19 °С
Болотло
Антитеррор
Бөтә яңылыҡтар
Йәмғиәт
12 Февраль 2020, 10:05

Башҡорт ихаталарына ике миллиард һум

Быйыл республикала 390 ихата биләмәһен төҙөкләндереү күҙаллана.

2020 йылда «Башҡорт ихаталары» программаһын ғәмәлгә ашырыу өсөн ике миллиард һум аҡса йүнәлтеләсәк. Был хаҡта аҙналыҡ оператив кәңәшмә барышында республика Хөкүмәте вице-премьеры – Торлаҡ һәм коммуналь хужалыҡ министры Борис Беляев белдерҙе. Министр әйтеүенсә, программаны ғәмәлгә ашырыуға әҙерлек буйынса муниципалитеттар өсөн берҙәм смета өлгөһө әҙерләнгән. 1 марттан конкурс башланырға тейеш.

Быйыл 390 ихата биләмәһен төҙөкләндереү күҙаллана. Теүәл һандар теле менән әйткәндә, 2600 эскәмйә, 2000 сүп-сар һауыты, 2000-дән ашыу яҡтыртыу ҡорамалдары, 573 видеокамера урынлаштырыу, 170 контейнер майҙансығы булдырыу күҙаллана.

БР Башлығы Радий Хәбиров, дизайн-проекттар һәр кем өсөн асыҡ, билдәле булырға тейеш тип белдерҙе:

- Кешеләр төҙөкләндереүҙән һуң уларҙың ихаталары ниндәй буласағын алдан белергә тейеш. Әгәр ҙә 1 майға эштәр башланмай икән, хәбәр итегеҙ, сәбәптәрен асыҡлағыҙ.

Читайте нас: