+18 °С
Болотло
Антитеррор
Бөтә яңылыҡтар
Йәмғиәт
5 Март 2020, 19:10

Граждандар йәмғиәтен үҫтереүгә гранттарға конкурс старт алды

Башҡортостан Республикаһының граждандар йәмғиәтен үҫтереү фонды республика Башлығы грантына коммерцияға ҡарамаған ойошмалар араһында конкурста ҡатнашыуға заявкалар ҡабул итә башланы.

Башҡортостандың граждандар йәмғиәте институттарын үҫтереүҙә һәм социаль әһәмиәтле проекттарҙы тормошҡа ашырыуҙа ҡатнашҡан коммерция булмаған ойошмалар туғыҙ йүнәлеш буйынса конкурсҡа заявкалар тапшыра ала.
Былар — “Фән һәм мәғариф”, “Граждандарҙы социаль яҡлау һәм ярҙам”, “Ғаиләне, әсәлекте, аталыҡты һәм балалыҡты яҡлау”, “Мәҙәниәт, сәнғәт һәм тарихи иҫтәлектәрҙе һаҡлау”, “Тирә-яҡ мөхитте һаҡлау, йәнлектәргә уңайлы йәшәү шарттары булдырыу һәм уларҙы яҡлау”, “Йәштәр сәйәсәте”, “Милләт-ара һәм төрлө дин вәкилдәре араһында килешеүҙәрҙе нығытыу”, “Граждандарҙың хоҡуҡтарын яҡлау, граждандар йәмғиәте институттарына ярҙам итеү”, Сәләмәтлекте һаҡлау, сәләмәт йәшәү рәүешен, физик культураны һәм спортты пропагандалау”.
Финанслауҙың дөйөм суммаһы 50 миллион һум тәшкил итә.
Конкурста ҡатнашыуға заявкалар grant.openrepubi.ru. cайтында электрон рәүештә 18 мартҡа тиклем ҡабул ителә. Проекттарҙың йүнәлештәре һәм тематикаһы, конкурста ҡатнашыусыларға талаптар, гранттар биреү шарттары һәм тәртибе тураһындағы мәғлүмәттәр менән ентекләберәк grant.openrepubi.ru. сайтының “Документы” бүлегендәге “Конкурсы” ҡушымтаһында танышырға була. Белешмәләр өсөн тел.: 7(347)218-16-82.
Читайте нас: