Путин Рәсәйҙә енәйәттәрҙең артыуы тураһында һөйләне

Рәсәй Президенты Владимир Путин РФ Генераль прокуратураһы коллегияһы барышында илебеҙҙә енәйәттәр һанының артыуын, шул уҡ ваҡытта һәр икенсе енәйәттең асыҡланмай ҡалыуын билдәләне.

Дәүләт башлығы һүҙҙәренә ҡарағанда, уҙған йылда 2016 йылдан башлап тәүге тапҡыр Рәсәйҙә енәйәттәрҙең дөйөм һаны арта башлаған. Асыҡланмаған енәйәттәр һаны ла артҡан. Путин булған проблемаларҙы һәм уларҙы хәл итеү өсөн аныҡ сараларҙы анализларға кәрәклеген белдерҙе. “Был турала күп тапҡырҙар һөйләнек, тик, ҡыҙғанысҡа ҡаршы, һәр икенсе тиерлек енәйәт асыҡланмай ҡала. Һеҙгә лә, башҡа хоҡуҡ һаҡлау органдарынан коллегаларығыҙға ла уйланыр урын бар”, - тине Владимир Путин.

Яңылыҡ сығанағы: https://radiosputnik.ria.ru/