Хәтер һәм дан йылында Бөйөк Еңеү көнөн билдәләү саралары планы раҫланды

Илдә һәм республикала хәлдең тотороҡланыуына ҡарап, Рәсәй өсөн иң мөһим тарихи байрамды лайыҡлы уҙғарыу ниәтләнә.

Әлеге көнгә Башҡортостанда раҫланған саралар планын һеҙҙең иғтибарға тәҡдим итәбеҙ (унда артабан үҙгәрештәр булыуы ла ихтимал):

1 май — «Еңеү эшелоны».

Өфөгә 18 вагондан торған хәрби эшелон килә, уның платформаларында төрлө осорҙағы хәрби техника, вагон-музейҙар буласаҡ. Эшелон баш ҡалаға 1 майҙа 10 сәғәт 10 минутта килеп етәсәк, тип көтөлә.

5 май — ике тапҡыр Советтар Союзы Геройы Муса Гәрәев иҫтәлегенә бокс буйынса турнир. 5 – 8 майҙа боксерҙар спорт мастерлығына кандидат исеме өсөн көс һынашасаҡ.

8 май — Өфөлә Бөйөк Ватан һуғышы фронттарына киткән яҡташтарыбыҙ иҫтәлегенә Монумент асыу тантанаһы.

72-се еңел атлетика эстафетаһы. Ҙур ярышта меңдән ашыу кеше — студенттар, уҡыусылар, балалар-үҫмерҙәр спорт мәктәптәре тәрбиәләнеүселәре, хеҙмәткәрҙәр ҡатнашасаҡ тип көтөлә. Старт Еңеү паркы майҙансығында бирелә.

«Терра Башкирия» турниры. Һыбайлылар бәйгеһенең 4-се этабы. Бында Борай, Бөрйән, Стәрлетамаҡ, Бәләбәй жокейҙары уҙышасаҡ.

9 май — республиканың бөтә район-ҡалаларында обелискыларға сәскәләр һалыу, митингылар.

Хәрби техника, яугирҙәр, тынлы оркестр ҡатнашлығында хәрби парад, «Үлемһеҙ полк» акцияһы, музейҙарҙа асыҡ ишектәр көндәре, байрам салюты һ.б.

«Беҙ Еңеү тураһында йырлайбыҙ!» open-air тамашаһы. Ул башҡаланың «Торатау» Конгресс-холы янындағы амфитеатрҙа уҙғарыла.

18 май — «Музейҙар төнө» акцияһы.

21 май — тарихи реконструкция фестивале. Төрлө дәүерҙәрҙең хәрби-ялан лагерҙары, рус дружинаһы, 1812 йылғы рус армияһы, 1944 йылда Ҡыҙыл Армия һәм башҡа осор хәрбиҙәре һынландырыла.

Шулай уҡ май айында Георгий таҫмаһы акцияһы, «Дан аллеяһы»на ағас ултыртыу өмәһе һәм башҡа саралар ҡаралған.

Читайте нас:

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығында 2015 йылдың 6 ноябрендә теркәлде. Теркәү номеры ПИ № ТУ 02-01480.

Телефон

8(34772) 2-15-04

Электрон почта

[email protected]

Адресы

453620 Абзелиловский район, с. Аскарово, ул. Ленина, 14а

Реклама хеҙмәте

8(34772) 2-15-55

Редакция

8(34772) 2-04-80, 8(34772) 2-04-83

Ҡабул итеү бүлмәһе

Хеҙмәттәшлек

8(34772) 2-04-80, 8(34772) 2-04-83

Кадрҙар бүлеге

8(34772) 2-11-85