Райондарҙа сирлеләр арта

Һуңғы тәүлектә коронавирус менән сирлеләр һаны тағы ҡырҡ ике кешегә артҡан. Шулай итеп, 16 апрелгә ҡарата республикала бөтәһе 191 кешелә вирус асыҡланған. 9 пациент йүнәлгән. Ҡыҙғанысҡа, 6 сирле донъя менән хушлашҡан. Тағы 336 кешелә сир булыу ихтималлығы бар, улар күҙәтеү аҫтында. Брифингта райондарҙан күпме ауырыу булыуы хаҡында мәғлүмәттәр килтерелде. Статистикаға ярашлы, ҡырҡ районда коронавирус табылған.

Ил буйынса хәлгә килгәндә, яңылыҡтар ҡыуанырлыҡ түгел. Бөгөнгә Рәсәйҙә коронавирус 27938 кешелә табылған. Уларҙың 2304-е һауыҡҡан. Мәкерле вирусты еңә алмаған 232 кеше вафат булған.

Донъяла ике миллиондан ашыу кеше был зәхмәткә тарыған. Рәсәй Президенты һәм Башҡортостан Башлығы изоляция режимын ҡәтғиләндереү буйынса талаптар индерәсәк.