Вирус йоҡтороусылар арта

Һаулыҡ һаҡлау министры Максим Забелин республикала коронавирус менән сирлеләр һаны 570 кешегә етеүен, һуңғы тәүлектә 43 кешелә инфекция асыҡланыуы хаҡында белдерҙе. 72 пациент һауыҡҡан, 313 сирле сстационарҙа дауалана.

Башҡортостанда бөтәһе 55 меңдән ашыу тикшереү үткәрелгән, сирлеләр һәм улар менән бәйләнештә булғандарға тест эшләнгән. Министр коронавирусты асыҡлау маҡсатында уҙғарылған тикшереүҙәр буйынса республика алдынғы урында тороуын билдәләне.