+12 °С
Ямғыр
Антитеррор
Бөтә яңылыҡтар
Йәмғиәт
13 Май 2020, 17:25

Башҡортостанда 700 меңдән ашыу балаға 10 мең һум түләнәсәк

Ғаиләне көрсөккә терәлеүҙән яҡлауҙары өсөн хөкүмәтебеҙгә, ил етәкселегенә рәхмәт, - ти Салауат ауылынан күп балалы әсә Айһылыу Ғөбәйҙуллина.

Башҡортостанда был ярҙамды 700 меңдән ашыу бала аласаҡ. Бының өсөн ете миллиард һум бүленә. Был түләүҙе алыр өсөн килем һәм башҡа күрһәткестәр иғтибарға алынмай, ярҙам һәр балаға күрһәтеләсәк.
- В. Путиндың һуңғы мөрәжәғәтен ҡыуанып тыңланыҡ. Ишле ғаиләнең сығымдары ла күп. Беҙ биш бала тәрбиәләйбеҙ. Пандемия ғаилә ҡаҙнаһына һиҙелерлек йоғонто яһаны, иремдең дә, үҙемдең дә эш хаҡтарыбыҙ кәмене. Ә кредиттар, коммуналь түләмдәр шул уҡ, күмәк кешегә аҙыҡ-түлеккә лә аҡса күп китә. Президенттың бынан алда 3 йәшкә тиклемге балаларға апрелдән-июнгәсә тәғәйенләгән айына 5 мең һумды алыуҙы ла ҙур ярҙам итеп ҡабул иткәйнек. Һуңғы мөрәжәғәттә әйтелгән 3-тән 16 йәшкә тиклемге балалар өсөн түләмде, 16 йәшен тултырған өлкән ҡыҙыбыҙҙан тыш, тағы ла өс балабыҙға аласаҡбыҙ. Ғаиләне көрсөккә терәлеүҙән яҡлауҙары өсөн хөкүмәтебеҙгә, ил етәкселегенә рәхмәт, - ти Салауат ауылынан күп балалы әсә, ҡатын-ҡыҙҙар советы рәйесе, хоспис хеҙмәткәре Айһылыу Ғөбәйҙуллина.
Балаға 10 мең һум күләмендә түләм алыуҙың ете шарты:
  1. Йәш сикләүе – 3-тән 16 йәшкә тиклем (2020 йылдың 1 июленә тиклем 16 йәше тулғандар ҙа)
  2. Түләм күләме – 10000 һум.
  3. Ата-әсәләр һәм балалар – РФ граждандары.
  4. Ғаризаны 12 майҙан 1 октябргә тиклем бирергә мөмкин.
  5. Ғаризаны дәүләт хеҙмәттәре порталында бирергә йәки йәшәгән урын буйынса Пенсия фондына мөрәжәғәт итергә була.
  6. Төп документ – ғариза, башҡа белешмәләр кәрәкмәй!
  7. Түләмдәр 1 июндән башҡарыла башлай.
    8. Читайте нас:
    © 2020 Сайт издания "Оскон" Копирование информации сайта разрешено только с письменного согласия администрации.

    Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығында 2015 йылдың 6 ноябрендә теркәлде. Теркәү номеры ПИ № ТУ 02-01480.

    Телефон
    8(34772) 2-15-04
    Электрон почта
    Адресы
    453620 Абзелиловский район, с. Аскарово, ул. Ленина, 14а
    Реклама хеҙмәте
    8(34772) 2-15-55
    Редакция
    8(34772) 2-04-80, 8(34772) 2-04-83
    Ҡабул итеү бүлмәһе
    -
    Хеҙмәттәшлек
    8(34772) 2-04-80, 8(34772) 2-04-83
    Кадрҙар бүлеге
    8(34772) 2-11-85
    Яндекс.Метрика