Радий Хәбиров Беренсе каналда сығыш яһаны

Башҡортостан Башлығы үҙәк телевидение аша республикала коронавирусҡа бәйле хәлде һөйләне.

Башҡортостан Башлығы Радий Хәбиров Беренсе каналдағы “Док-Ток” шоуында сығыш яһаны. Төбәк етәксеһе үҙ аллы ҡурсаланыу режимы йомшартылып, халыҡҡа урамда йөрөү мөмкинлеге бирелеүе, тик битлек кейеү мотлаҡ булыуы хаҡында һөйләне.

– Изоляция, карантин саралары беҙгә мөһим мәсьәләләрҙе хәл итергә ваҡыт бирҙе. Медицина учреждениеларын әҙерләнек. Әле сирлеләргә өс меңдән ашыу урын бар, һәм был фондтың 32 проценты ғына файҙаланыла. Тағы 70 проценты ауыр хәлдәге сирлеләрҙе ҡабул итергә әҙер. Ике аҙнанан, 27 майҙа, беҙ тағы 500 урынлыҡ инфекция үҙәген сафҡа индерәсәкбеҙ. Госпиталь тиҙ арала төҙөлдө, ул тулыһынса заманса ҡоролмалар менән йыһазландырылған: компьютер томографияһынан башлап үпкәне яһалма елләтеү аппараттарына тиклем бар.

Тағы шуныһы мөһим, беҙ тестар һанын даими арттырабыҙ. Әле уларҙың күләме буйынса Рәсәйҙә 5-6-сы урында булһаҡ, Волга буйы федераль округында - беренсе урында торабыҙ. Шуға күрә сирлеләрҙе асыҡлау күрһәткесе юғары. Унан тыш, сирлеләр менән бәйләнештә булғандар өйҙә ултырһын һәм инфекция таратмаһын өсөн күп көс һалдыҡ. Бының өсөн уларға күҙәтеү ойошторолдо.

Беҙ республикала изоляция режимын йомшартырға ҡарар иттек: медицина торошон, иң мөһиме – табиптарҙың әҙерлеген баһалап был аҙымға барҙыҡ. Коронавирус менән көрәштә инфекционистар ғына түгел, башҡа йүнәлешле табиптар ҙа ҡатнаша, - тине Радий Хәбиров үҙенең сығышында.

Читайте нас:

Гәзит Элемтә, мәғлүмәт технологиялары һәм киң коммуникациялар өлкәһендә күҙәтеү буйынса Федераль хеҙмәттең Башҡортостан Республикаһы буйынса идаралығында 2015 йылдың 6 ноябрендә теркәлде. Теркәү номеры ПИ № ТУ 02-01480.

Телефон

8(34772) 2-15-04

Электрон почта

[email protected]

Адресы

453620 Абзелиловский район, с. Аскарово, ул. Ленина, 14а

Реклама хеҙмәте

8(34772) 2-15-55

Редакция

8(34772) 2-04-80, 8(34772) 2-04-83

Ҡабул итеү бүлмәһе

Хеҙмәттәшлек

8(34772) 2-04-80, 8(34772) 2-04-83

Кадрҙар бүлеге

8(34772) 2-11-85