Бөтә яңылыҡтар
Йәмғиәт
6 Июнь 2020, 10:15

Социаль әһәмиәтле объекттар интернет селтәренә тоташтырыла

Республикабыҙҙа тағы ла 282 социаль объект интернет селтәренә тоташтырылды. #национальныепроекты#регпроекты#нацпроектыБашкортостан

Республикабыҙҙа тағы ла 282 социаль объект интернет селтәренә тоташтырылды. Шуларҙың 126-һы – мәктәп, 111-е – фельдшер-акушерлыҡ пункттары, 38-е – ауыл хакимиәттәре һәм 7-әүһе – Ғәҙәттән тыш хәлдәр министрлығының 7 бүлексәһе.
Башҡортостан Хөкүмәтенең матбуғат хеҙмәтенән билдәләүҙәренсә, был эштәр «Һанлы иҡтисад» милли проектының «Мәғлүмәт инфраструктураһы» федераль проекты сиктәрендә тормошҡа ашырыла.
– Башҡортостанда социаль әһәмиәтле объекттарҙы интернет селтәренә тоташтырыу план буйынса алып барыла, эпидемиологик хәл бер ниндәй үҙгәрештәр индермәне. Төҙөлгән инфраструктура алдағы киләсәктә республиканың төпкөл ауылдарында мобиль бәйләнеш селтәрен һәм сымлы интернетты үҫтерергә мөмкинлек бирәсәк, – тип белдерҙе Башҡортостан дәүләт идаралығының һанлы үҫеш министры Геннадий Разумикин.
Читайте нас в