Яңы Конституция өсөн

814-се Шәрип һайлау участкаһында һайлау тыныс һәм эшлекле шарттарҙа уҙҙы. Көндөң тәүге яртыһында һайлаусыларҙың күпселеге тауыш биреп өлгөргәйне. Тәүге тапҡыр һайлауҙа ҡатнашҡан Юлиә Мөхитдинова менән Айгүзәл Абдрахманованы комиссия ағзалары тәбрикләп, республиканың үҙәк һайлау комиссияһы рәйесе Илона Макаренконың рәхмәт хатын тапшырҙылар. Ауылдың ололары өйҙә һайлау мөмкинлеге менән файҙаланды. 78 йәшлек Хәмиҙә инәй Ғәйнетдинова ла имен тормош, тыныслыҡ теләй-теләй бюллетень төшөрҙө.