Бөтә яңылыҡтар
Йәмғиәт
7 Июль 2020, 11:55

Сүп-сарҙан - кәрәкле әйбер

Ике этаптан торған конкурста барлығы 80-дән ашыу мәктәп ҡатнашҡан.#национальныепроекты#регпроекты#нацпроектыБашкортостан

Уҡыусылар икенсел сеймалдан эшләнгән әйберҙәр конкурсында ҡатнашҡан.
Был сараны Ҡаты коммуналь ҡалдыҡтар менән эш итеүсе төбәк операторы – “Дүртөйлөмелиоводстрой” яуаплылығы сикләнгән йәмғиәте – ойошторҙо. Ике этаптан торған конкурста барлығы 80-дән ашыу мәктәп ҡатнашҡан.
Бәйгенең беренсе этабы – мәктәптә, икенсеһе ошо белем биреү ойошмалары араһында үткәрелгән. Ә иң яҡшы эштәр социаль селтәрҙә тауыш биреү юлы менән һайлап алынған, тип хәбәр итә “Молодежная газета” баҫмаһы.
Һәр бәйге еңеүсеһеҙ булмай. Сираттағы конкурста иһә Үрге Йәркәй ауылының 1-се гимназияһының VIII класс уҡыусыһы Баязит Ваншиндың эше иң яҡшыһы тип табылған.
“Дүртөйлөмелиоводстрой” яуаплылығы сикләнгән йәмғиәте директоры Лилиә Ноғаеваның белдереүенсә, ошондай саралар һөҙөмтәһендә балалар үҙҙәренә киләсәктә кәрәк буласаҡ шөғөлгә һәм тирә-яҡ мөхитте һаҡлау буйынса ғәҙәткә эйә буласаҡ. Уҡыусылар сүп-сарҙы ҡалдыҡ ҡына түгел, эшкәртеү өсөн икенсел сеймал икәнлеген аңлап үҫәсәк. Конкурс һөҙөмтәләре буйынса гимназия сүп-сарҙы йыйыу өсөн контейнерҙарҙы аласаҡ.
Әйткәндәй, был конкурс “Йәшел Башҡортостан” республика акцияһы һәм ил Президенты Владимир Путиндың май указдары нигеҙендә барлыҡҡа килгән “Экология” милли проекттары сиктәрендә мөмкин булды.
Фото: “Молодежная газета".
Читайте нас в