Мин милли кейемдә

Милли кейем — халыҡтың эске булмышының сағылышы. Кеше үҙенең күңел донъяһын кейеме аша асып бирергә ынтылһа, милләттең дә йәшәү рәүеше, көнкүреше, эске донъяһы — тышҡы ҡиәфәтендә сағыла. Шуға ла боронғо замандарҙан алып кешегә бер ҡараш ташлау менән, уның ниндәй милләттән икәнен билдәләп булған.

11 сентябрь – Милли кейем көнө билдәләнә. Ошо уңайҙан #МинМиллиКейемдә флешмобын башлап, һеҙҙән матур, иҫтәлекле фотолар көтөп ҡалабыҙ. Бәлки, һандыҡ төптәрендә боронғо ғаилә ҡомартҡылары ла һаҡланалыр...